Қайырлы күн! Менің күйеуім жасы 40-та. Күн сайын тамақ ішпес бұрын 100 грамм арақ ішіп отырады. Оның ойынша ол денсаулыққа зияны жоқ, тіпті «аздап ішекен пайдалы» дейді, орыстарда солай тамақпен арақ ішіп денсаулығы мықты болады деп айтып жүреді. Күйеуім осылай күнде аздап шамамен бірнеше жылдан асты ішіп жүреді.
Оның денсаулығы жайлы уайымдай бастадым, арақтың пайдасы мен зияны жайлы медициналық тұрғыдан айтасыздар ма? Ол басқалар секілді беріліп ішіп кеткенін көрген жоқпын, бірақ сонда да уайымдаймын, мүмкін жасырын бір жағымсыз жақтары бар шығар деп?
Арақ пайдасы жайлы айту өте қиын ғой. Себебі арақ дегеніміз – ол су мен таза спирт қосындысынан құралған сұйықтық. Оның ешбір компоненттері (су да спирт те) пайдалы жақтарымен көзге түскен емес.
Ұзақ уақыт арақ қабылдау денсаулық үшін біраз уақыттан кейін өз салдарын көрсетуі мүмкін.
Бұл жағдайда күйеуіңізді әрдайым профилактикалық қараулардан өткізіп отырған дұрыс. Тіпті болмаса терапевт және уролог дәрігер қараған дұрыс. Себебі 40 асқан ер адам + әрдайым тіпті аз болса да алкоголь қабылдайтын болса қан қысымын, қант мөлшерін, урологиялық қараулар және т.б өтіп тұрған дұрыс.
Осы кезден бастап есте сақтап алыңыз. Алкоголь КЕЗ КЕЛГЕН ДОЗАДА ҚАУІПТІ!!! Өкінішке орай біздің қоғам оны әлі түсіне қоған жоқ. «Аз мөлшерде пайдалы, зияны жоқ, киноларда ішеді ғой, мен тек мейрамдарда ғана ішемін» деген сөздермен өзін жұбатып, илюзиямен өмір сүріп келеді.
Ғылыммен толықтай зерттелгеніне осыдан 20 жылдан артық уақыт өтті, алкоголь аз да болса адам денсаулығына пайдалы әсері жоқ деген тұжырымды бәрі бір ауыздан қолдайды.
Көпшілік адамдар алкогольдан бас тарта алмағандықтан ойында кері тұжырымдар қалыптасады. Мысалы «Орыстар да ішеді ғой, арақтан өлген адамды көрген жоқпын, соғыс кезінде самогон ішіп жүріп те жеңді ғой» деген секілді ойлармен өзін алдайды. Бұл дегеніміз ол адамның өзінің әлсіздігін ғана көрсетеді. Нағыз адекватты адам әрдайым ақпаратты дұрыс жағынан қарап, оның тәуелсіз оймен саралай алу керек.
Әрине күйеуіңіз арақ ішкенді тоқтата ма жоқ па ол өз ойы, бірақ Медицина жауабы АРАҚТА ЗИЯННАН БАСҚА адам ағасына ПАЙДАСЫ ЖОҚ!
Эксперимент жасап көрейік, үйде сол күйеуіңіз ішетін 100 гр араққа таза бауырды (қойдың, сиырдың бәрібір) бір кішкене бөлшегін салып қойыңыз. Біраз уақыттан кейін бауырдың не болатынын көзіңіз көресіз және күйеуіңіз де көзі жетеді.
Ислам діні бойынша Арақты қойдыратын дұғалар бар болу керек еді ғой. Мешіт имамидарынан сұрап көріңіз. Дінге бой алдырып, ішімдікті қойып кетсе жақсы ғой